13 Oct 2021

दशैँमा माछा मासुसँगै हरियो सागपात पनि खाऔँ

Wednesday, October 13, 2021

दशैँमा माछा मासुसँगै हरियो सागपात पनि खाऔँ

काठमाण्डाै, 

चाडपर्वमा खानपानमा सन्तुलन नमिल्दा दीर्घ रोगको जोखिम हुने डाक्टरले बताएका छन् । चाडपर्वमा चिल्लो, पिरो हालिएका परिकार र मासु धेरै खाने गरिन्छ । यसले स्वास्थ्यमा जटिल समस्या समेत आउन सक्ने डाक्टरको भनाइ छ ।

दशैँ मनाउँदा असन्तुलित खानपानले स्वास्थ्यमा नोक्सानी पुग्ने भन्दै डाक्टर तथा पोषणविद्ले सन्तुलित खानपान गर्न सुझाव दिएका छन् । चाडपर्वका नाममा धेरै माछामासु, मसलेदार परिकार तथा जाँडरक्सी खाने गर्दा मुटु रोगको समस्या बढ्ने वरिष्ठ मुटुरोग विशेषज्ञ डाक्टर भगवान कोइरालाले बताउनुभयो ।

दशैँमा बढी मात्रामा चिल्लो, पिरो, बोसोयुक्त खानेकुरा खाँदा बिरामी नभएका मानिससमेत बिरामी पर्ने र बिरामी भएकालाई झनै खतरा हुने उहाँले बताउनुभयो । अस्वाभाविक खानपानले मानिसको मिर्गौला, मुटु, कलेजोजस्ता अङ्गमा असर गर्नुका साथै रक्तचाप बढ्ने, शरीरमा कोलेस्टेरोलको मात्रा वृद्धि हुनेजस्ता समस्या देखा पर्ने गरेको उहाँले बताउनुभयो । पोषणविद् कल्पना तिवारीका अनुसार चाडपर्वमा माछामासु मात्रै धेरै खाने होइन ।

माछामासुसँगै अन्न, गेडागुडी, सागपात र फलफूल मिलाएर खानु पर्छ । कोभिड भइसकेकाहरुले त अझ खानपानमा विशेष ध्यान दिनुपर्ने उहाँले बताउनुभयो । चिल्लो पिरो र एकै पटक धेरै खानेकुरा खानु भन्दा नुन पिरो कम हालेर पटक पटक थोरै माछा मासुको झोल खाए छिट्टै तङ्ग्रिन सकिने तिवारीले बताउनुभयो ।

अर्का पोषणविद् डाक्टर अरुणा उप्रेतीले खानपानमा ध्यान नदिँदा स्वस्थ व्यक्ति पनि रोगी बन्न सक्ने भएकाले सन्तुलित र स्वस्थ खानपानमा ध्यान दिन सुझाव दिनु भएको छ । यस्तै, दिनहुँ शारीरिक व्यायाम गर्न र प्रशस्त पानी पिउन पनि उहाँको सुझाव छ । 


12 Oct 2021

दशैँ बिदामा घुम्न जाने होइन त? यी हुन सक्छन् गन्तव्य

Tuesday, October 12, 2021

दशैँ बिदामा घुम्न जाने होइन त? यी हुन सक्छन् गन्तव्य

काठमाण्डौ, 

यस वर्ष  सरदर १५ प्रतिशतभन्दा बढी वर्षाका साथ मनसुन बाहिरिएको छ । शरद ऋतुको मौसम । खुलेको आकाशका साथ महान् चाड दशैँ । मन पुलकित हुने नै भयो । सँगै लामो बिदा पनि । यस अर्थमा पनि यो घुमघामको राम्रो अवसर हो । अहिले नेपालीहरूमा घुमघामको संस्कृति विकास भइरहेको छ । अहिले आफ्नो व्यस्त दैनिकीबाट समय निकालेर घुम्ने प्रचलन बढेको छ । 

घुम्दा तनाव कम हुने, त्यस ठाउँको परम्परा–संस्कृतिका बारेमा जानकारी हुने र पुनः काममा फर्कँदा ताजापनको महसुसले स्फूर्ति बढ्ने हुन्छ ।  अझ पोहोरको लकडाउनले घरमै थुनिनु परेको अवस्था सम्झँदा पनि यस दशैँ घुमघामका लागि अर्को विकल्प र बहाना हो । दशैँमा टीका लगाइसकेपछि परिवार र साथीभाइ मिलेर घुम्न जाने प्रचलन बढेको छ । दशैँको अवसर पारेर ट्राभल एजेन्सीहरूले समेत विभिन्न प्याकेज ल्याउने गरेका छन् ।  

आउनुहोस्, यस दशैँमा घुमघामका लागि केही उपयुक्त ठाउँकाबारेमा चर्चा गरौँ ।

पोखरा

घुमघाम भन्नेबित्तिकै पहिलो नम्बरमा आउने नाम हो पोखरा । काठमाण्डौबाट झन्डै दुई सय किलोमिटरको दुरीमा रहेको पोखरा हवाईजहाज र गाडीबाट पनि जान सकिन्छ । काठमाण्डौको कलङ्कीबाट माइक्रो बसमा जानु अहिले उत्तम विकल्प हुन सक्छ । 

माइक्रो बसमा चार सय ५० देखि पाँच सय रुपैयाँ र हवाई भाडा चार हजार पाँच सयदेखि पाँच हजार पाँच सय रुपैयाँसम्ममा पोखरा पुग्न सकिन्छ । गाडीमा यात्रा गर्दा विविध दुष्यावलोकनको आनन्द लिन सकिन्छ । पोखरामा बस्न, खानका लागि सुविधा सम्पन्न होटलदेखि सामान्य लजसम्म उपलब्ध छन् ।  पोखरालाई तालहरूको सहर पनि भनिन्छ । फेवा ताल, रूपा ताल, बेगनास तालसँगै डेभिड फल्स, महेन्द्र गुफा छँदैछ । 

एडभेन्चर (साहसिक खेल) रूचाउनेका लागि प्याराग्लाइडिङ, बन्जी, जिपलाइन पनि छ।  पोखराको कुरा गर्दा सराङकोट छुटाउन नहुने नाम हो । नयाँ गन्तव्य खोज्नेहरूका लागि पोखराको पामे र लेखनाथ पनि अहिले थपिएका नाम हुन् । 

चितवन

पर्यटकीय गन्तव्यको अर्को छुटाउन नहुने नाम होे चितवन । चितवन काठमाण्डौबाट झन्डै एक सय ५५ किमि दुरीमा रहेको छ । काठमाण्डौबाट गाडी तथा हवाईजहाजमा चितवन पुग्न सकिन्छ । पर्यटक बसमा जाने हो भने सात सय र माइक्रो बसबाट जाँदा पाँच सय रुपैयाँमा पुगिन्छ चितवन। चितवन राष्ट्रिय निकुञ्ज अन्र्तगत सौरहामा जङ्गल सफारी, थारु संस्कृति तथा कायाकिङ पनि रमाउन सकिन्छ । सौरहादेखि अघाएकाहरूका लागि मेघौली नयाँ गन्तव्य बन्न सक्छ चितवनमा । 

खप्तड

सुदूरपश्चिम प्रदेशमा रहेको खप्तड झन्डै एक सय ४४ वर्ग किमिमा फैलिएको छ । हरियाली, रङ्गीबिरङ्गी फूल र प्राकृतिक सौन्र्दयको अनुपम नमुना नै मानिन्छ खप्तडलाई । हिउँदमा ढपक्कै हिउँले ढाक्ने हुँदा यो मौसम खप्तड घुम्नका लागि अनुकूल मानिन्छ। काठमाण्डौबाट धनगढीसम्म ६ सय ५० किमि बसमा यात्रा गरेर डडेल्धुरा, बझाङ हुँदै पाँच घण्टाको पैदल यात्रापछि पुगिन्छ खप्तड । 

हवाई मार्गबाट जानेका लागि पनि धनगढीसम्म जहाजमा र त्यसपछि भने गाडीबाट नै जानुपर्ने हुन्छ। समूह मिलेर गाडी रिजर्भ गरेर जाँदा बाटोमा पर्ने प्राकृतिक सौन्दर्यको आनन्द पनि उठाउन सकिन्छ ।   

कालीञ्चोक

धार्मिक सँगै पर्यटनका लागि पछिल्लो समय चर्चामा रहेको गन्तव्य पनि कालीञ्चोक। केबुलकार निर्माण भएसँगै कालीञ्चोक धार्मिक पर्यटकीय गन्तव्यका रूपमा विकसित भएको छ।  काठमाण्डौबाट झन्डै एक सय ३२ किमि दुरीमा रहेको चरिकोटसम्म गाडीमा गएर त्यसपछि फेरि रिजर्भ गाडीमा जानुपर्ने हुन्छ कालीञ्चोक। 

उपल्लो मुस्ता

घुमघामको कुरा गर्दा उपल्लो मुस्ताङ पनि प्रचलित गन्तव्य हो । मुस्ताङ घुम्नका लागि असोज तथा कात्तिक महिना उपयुक्त मानिन्छ । मुक्तिनाथ र मुस्ताङका लागि ट्राभल एजेन्सीहरूले विभिन्न प्याकेज पनि लिएर आएका छन् । 

सात रात आठ दिनको प्याकेजमा मुक्तिनाथ मन्दिर दर्शन र दुम्बा ताल, लोमान्थाङदेखि जोमसोमसम्म घुम्न पाइन्छ । जसका लागि झन्डै २५–३० हजार रुपैयाँ खर्च लाग्छ भने मुक्तिनाथ मन्दिरमात्र गएर आउनका लागि १५–२० हजार रुपैयाँसम्म खर्च लाग्छ । 

मनाङ

मनाङ विशेषगरी पदयात्रामा रमाउनेका लागि उपयुक्त मानिन्छ । मनाङमा रहेको तिलिचो ताल निकै सुन्दर र आकर्षक मानिन्छ । प्रकृति प्रेमीका लागि यो सुअवसर हो। मनाङमा स्याउको बगैँचा, बेसी सहर र चामे घुम्नका लागि आकर्षक मानिन्छ । मनसुनका कारण पहिरो गएपछि अहिले बाटो बन्द भएका कारण ट्राभल एजेन्सीहरूले प्याकेज बनाएका छैनन् । अरू बेला ६ रात सात दिनको प्याकेजका लागि २५–३० हजार रुपैयाँ खर्च लाग्छ । 

बर्दिया

बर्दिया गाडी तथा हवाई दुवै माध्यमबाट जान सकिन्छ । काठमाण्डौबाट गाडीमा झन्डै १२–१३ घण्टाको यात्रामा बर्दिया पुगिन्छ । हवाईजहाजमा जाँदा भने नेपालगञ्जसम्म गएर त्यहाँबाट गाडीमा जान सकिन्छ ।  बर्दियामा रहेको बर्दिया राष्ट्रिय निकुञ्ज घुम्नका लागि निकै आकर्षक ठाउँ हो । बर्दियामा बाघ, गैँडा, घडियाल गोही र डल्फिन जस्ता जीवजन्तुहरु हेर्न पाइन्छ । साथै थारु संस्कृति बर्दियाको अर्को आकर्षण हो । 

रारा

घुम्नका लागि अर्को आकर्षक गन्तव्य हो रारा। रारा जानका लागि हवाई तथा सडक दुवै माध्यम प्रयोग गर्न सकिन्छ । आफैँले गाडी रिजर्भ गरेर लिएर जाने हो भने अहिले गाडी रारा नजिकै पुग्छ। हवाई माध्यमबाट जाँदा भने नेपालगञ्ज र ताल्चा विमानस्थलसम्म अनि दुई घण्टा हिँडेर रारा पुग्न सकिन्छ । 

राराको आकर्षण भनेको रारा ताल हो। निकै मनोरम र प्राकृतिक सौन्दर्यले भरिएको रारा ताल पुगेपछि थकाइ पनि मरेको झैँ हुन्छ। ट्राभल एजेन्सीहरूले ल्याएका प्याकेज अनुसार रारा जाँदा २०–३० हजार रुपैयाँ लाग्छ। आफैले समूह बनाएर जाँदा खर्च अलि कम पर्छ । 

दक्षिणकाली 

काठमाण्डौको नजिकै घुम्न चाहनेका लागि दक्षिणकाली अर्को आकर्षक ठाउँ हुन सक्छ । काठमाण्डौबाट झन्डै २० किमिको दुरीमा रहेको दक्षिणकाली जानका लागि बस चाहिँदो मात्रामा पाइन्छ।  पश्चिम तथा दक्षिणमा मकवानपुर अनि ललितपुर जिल्लासँग जोडिएको दक्षिणकालीमा आराम गर्नका लागि राम्रा र स्तरीय रिर्सोटहरू पनि छन्।  दक्षिणकाली माताको मन्दिर, शेषनारायण मन्दिर, नेपालकै पहिलो जलविद्युत् आयोजना रहेको दक्षिणकाली प्राकृतिक हरियाली तथा सुन्दरताका लागि आकर्षक मानिन्छ ।  


11 Oct 2021

मनोज गजुरेलको दोश्रो बिवाह सम्पन्न

Monday, October 11, 2021

काठमाण्डाै,

हास्य कलाकार मनोज गजुरेलले विवाह गर्नु भएको छ । उहाँले न्याय सेवाकी अधिकृत मञ्जु पोखरेलसँग आज विवाह गर्नु भएको हो । उहाँले सामाजिक सञ्जालमार्फत आफूहरुले विवाह गरेको जानकारी गराउनु भएको छ ।

बिहान डोलेश्वर महादेवको मन्दिरमा विवाह गरेको उहाँले बताउनु भएको छ । उहाँले लेख्नु भएको छ –‘एकैखालको परिवेश र उस्तै खालको भोगाइबाट गुज्रिएका हामी अन्ततः सहयात्रा गर्ने निर्णयमा पुग्यौँ।’

कलाकार गजुरेलले मानवसेवा आश्रम (कौशलटार)मा रहेका बुवाआमालाई खाना खुवाएर/खाएर विवाह सम्पन्न गरेको भन्दै आफूहरुलाई शुभकामना र आशीर्वाद दिनेहरुलाई धन्यवाद भन्नु भएको छ ।

यस्तै, उहाँले आफ्नो निजी जीवनबारे कपोकल्पित समाचार नबनाउन पनि सञ्चारमाध्यमलाई आग्रह गर्नु भएको छ । यसअघि मीना ढकालसित विवाह गरेका गजुरेलको सम्बन्धविच्छेद भएको थियो ।

गजुरेल लेख्नुहुन्छ.....

आफन्त, साथी तथा शुभचिन्तकहरुमा सुखद जानकारी !

जीवन सधैँ सरल रेखामा नहिंड्ने रहेछ । मेरो लामो वैवाहिक जीवन ४ बर्षपहिले कानुनीरुपमा टुंगिएको कुरा यहाँहरुलाई विदितै छ । त्यसयता म मेरा छोरा र छोरीको एकल अभिभावक भएर बसिरहेको जानकारी पनि जगजाहेर नै छ । जीवनयात्राको दौरानमा आत्मीय साथको आवश्यकता महशुस हुनु स्वाभाविकै हो । त्यसैगरी मेरा बाबु-नानीको शिक्षा, स्वास्थ्य र भविष्यको बारेमा पनि संवेदनशिल हुनु जरुरी थियो । यी दुबै अवस्थामा साथदिने सहयात्रीको अभाव समयक्रममा खड्किँदै आयो । बाबुनानीको आग्रह पनि यस्तै आउन थाल्यो ।

यसै क्रममा नेपाल सरकारको न्याय सेवाकी अधिकृत मन्जु पोखरेलजीसँग मेरो चिनजान हुनपुग्यो । बिस्तारै हाम्रो घनिष्टता बढ्न थाल्यो । एकैखालको परिबेश र उस्तै खालको भोगाईबाट गुज्रिएका हामी अन्ततः सहयात्रा गर्ने निर्णयमा पुग्यौं । एकअर्काका जिम्मेवारीलाई साझा जिम्मेवारी मानेर पूरा गर्ने  बाचा गर्याैं । अगाडि आईपर्ने सु:ख/दु:खलाई मिलेर स्वीकार र प्रतिकार गर्ने संकल्प लियाैं । हामीलाई यो निर्णयमा पुग्न हाम्रा बाबुनानीहरुको सुझाव र सहमतीले पनि ठूलो मद्धत गर्यो ।

सम्पुर्ण मिडियाकर्मी साथीहरुलाई सादर अनुरोध छ- कृपया मेरो व्यक्तिगत जीवनका बारेमा काल्पनिक समाचार नलेखिदिनुहोला । मन्जुजीको इज्जत र प्रतिष्ठामा आँच आउने अमर्यादित कथा नकथिदिनुहोला । हाम्रा सन्तानको सुख र शान्तीकालागी परपीडक ट्रोल र भिडियो नबनाईदिनु होला । कसैको निजी जीवनका बारेमा कपोकल्पित समाचार बनाउने, असम्बन्धित मान्छेसँग नाम जाेड्ने, हाम्रो विगतको जीवन, वर्तमानको विवाह तथा भविस्यको योजनाका बारेमा अनुमानकारिता नगर्नुहुन पनि अनुरोध गर्दछु । त्यसैगरी हाम्रो नितान्त व्यक्तिगत मामिलाका बारेमा अनाबश्यक सामग्री बनाउने कानुनी, व्यवहारिक र सामाजिक अनुमति कसैलाई नभएको कुरापनि जोडदार रुपमा जाहेर गर्दछु ।

बिगतका अराजक अन्तर्वार्ता, असामाजिक क्रियाकलाप तथा अभद्र व्यवहारका कारण म र मेरा छोराछोरीले ठूलो आघातबाट गुज्रनु परेको छ । त्यस्ता क्रियाकलापलाई स्थान दिने, उचाल्ने र गिजोल्ने युट्युब, अनलाइन समाचार, टिकटक लगायत संजालका प्रयोगकर्ताहरुलाई पनि भद्र सुझाव छ- कृपया एउटा जिम्मेवार अभिभावक भएर बोल्ने र लेख्ने गर्नुहोला । सामाजिक सन्जालको चरम दुरुपयोगले आफू र आफ्ना सन्तानलाई पार्न सक्ने गंभिर असरलाई पनि महशुस गर्नुहोला ।

अन्त्यमा, पुनः सम्पुर्णं आफन्त, साथी तथा शुभचिन्तकहरुलाई यो सुखद जानकारी गराउदछौँ कि हामीले आज मिति २०७८ साल असोज २५ गते सोमबार बिहान डोलेश्वर महादेवकाे दर्शन गर्यौँ । त्यसपछि परिवारको उपस्थितिमा त्यहीँ सिन्दुरपोते गर्यौँ । अनि, सपरिवार मानवसेवा आश्रम (कौशलटार)मा रहेका  बुवाआमालाई खाना खुवाएर/खाएर विवाह सम्पन्न गरेकाछौँ  । परिस्थिति सिर्जित हाम्रो यो नयाँ अध्यायलाई शुभकामना र आशिर्वाद प्रदान गर्ने सबैलाई धन्यवाद 🙏

नवदुर्गा भवानीले सबैको रक्षा गरुन् । बडादशैँकाे हार्दिक शुभकामना 🌷


मनोज गजुरेलको दोश्रो बिवाह सम्पन्न

7 Oct 2021

शरीरमा कसरी लाग्छ क्यान्सर ? सावधान ! कतै हामीले यी गल्ती गरिरहेका त छैनौँ ?

Thursday, October 07, 2021
शरीरमा कसरी लाग्छ क्यान्सर ? सावधान ! कतै हामीले यी गल्ती गरिरहेका त छैनौँ ?

बदलिदो जीवनशैली तथा गलत खानपानका कारण शरीरमा विभिन्न किसिमको रोग लाग्ने गर्छ। यसको मुख्य कारण भनेको अस्वस्थ्यकर खानपान तथा बदलिदो जीवनशैली नै प्रमुख हो। आश्चर्यजनक के छ भने, ९० प्रतिशत मानिसको मृत्यु क्यान्सर रोगको कारण नभई उपचारको क्रममा मृत्यु हुने गर्छ । त्यसैले, निकै सावधानीपूर्वक यसको उपचार जरुरी छ।

के हो क्यान्सर ?

क्यान्सर एक प्रकारको प्राणघातक रोग हो। क्यान्सरबाट पिडित विरामी सपिजलै ठीक हुँदैनन्, किनकी यस रोगको लक्षण ढिला पत्ता लाग्छ। र, संसारमा क्यान्सर रोगको स्थायी उपचार अहिलेसम्म पत्ता लागेको छैन । समय रहँदै यस रोगको उपचार सही तरिकाले नभएको खण्डलाई यसलाई रोक्न मुश्किल हुन्छ।

शरीरमा कसरी हुन्छ क्यान्सर ?

शरीरमा हजारौको संख्यामा खराब कोशिका हुन्छन्। प्रत्येक सेकेन्डमा नयाँ कोशिका पैदा हुन्छ र पुरानो खराब कोशिका नष्ट हुन्छन्। तर क्यान्सर भएमा रातो तथा सेतो रक्तकोषिको सन्तुलन विग्रन थाल्छ। र, कोषिकाको विकास अनियन्त्रित रुपमा भएर क्यान्सरको रुपमा परिणत हुन्छ।

क्यान्सरका प्रकार ?

क्यान्सर चार प्रकारको हुन्छ ।

सारकोमा क्यान्सर - यो रगत तथा हड्डीसित सम्बन्धित हुन्छ ।

कार्सिनोमा क्यान्सर - यो छालासित सम्बन्धित हुन्छ ।

लिम्फोमा क्यान्सर - लिम्फोमा नामक क्यान्सर ग्रन्थीसित सम्बन्धित हुन्छ ।

ल्यूकेमिया क्यान्सर - स् रगत बनाउने कोशिकाको क्यान्सरलाई नै ल्यूकेमिया क्यान्सर भनिन्छ ।

क्यान्सर हुनुको कारण

-मादक पदार्थको सेवन : जस्तै, खैनी, सुर्ती, पान, मसाला, विडी, चुरोट, मदिरा इत्यादी ।

-खानपान : जस्तै, चिल्लो तथा वोसोयुक्त खानेकुराको सेवन, अत्याधिक मात्रामा नुनको सेवन, पचाउन समय लाग्ने खानेकुराको सेवन, ज्यादा समय एकै ठाउँमा बसेमा ।

-मोटोपना, हेपाटाइटिस बी तथा एचआईभीको भाइरसका कारण ।

महिलामा क्यान्सरको हुनुको कारण :

- नवजात शिशुलाई आमाको दूध नपिलाए, गर्भनिरोधक चक्कीको अत्याधिक प्रयोग ।

- महिनावारी पश्चात्त काखी वा स्तनमा गाँठो देखिनु ।

- स्तनमा कुनै किसिमको बदलाव देखिनु वा खाल्डो पर्नु ।

क्यान्सरका लक्षण

- मुखभित्र छाला पर्नु, मुख सोरिनु तथा पूरा नखुल्नु

- खाना खान, चपाउन, निल्न तथा पचाउन समस्या हुनु

- कम्मरमा सदैव पिडा महसुस हुनु

- पिसाबमा रगत आउनु, पिसाबको समय बदलिनु

- लगातार खोकी लाग्नु, आवाज सुक्नु तथा खकारमा रगत देखिनु

- स्तन तथा शरीरको कुनै अंगमा गाँठागुठी देखिनु

- शरीरमा रगतको कमी हुनु,

- एनिमियाको समस्या हुनु

- प्रोस्टेट परीक्षणमा असामान्य नतिजा आउनु

- रजनोवृत्तिमा समेत रगत आउनु

कसरी बच्ने क्यान्सरबाट रु घरेलु उपचार

- पान, सुपारी, चुरोट, लगायतका कुनै पनि सुर्तीजन्य पदार्थको सेवन नगर्ने ।

- प्रशस्त मात्रामा फलफूल तथा हरियो साजसब्जीको सेवन गर्ने ।

- कागती, सुन्तला तथा मौसमको जुस पिउने ।

- गाईको मुत्र, गहुँको जमरा क्यान्सर रोगको उपचारमा रामवाण मानिन्छ ।

- कुनै पनि रोगमा आवश्यकता अनुसार मात्र औषधीको सेवन गर्ने । अनावश्यक औषधी नखाने ।

- बदाम, किसमिस लगायतका ड्राई फ्रुट्सको सेवनले क्यान्सर रोग फैलिदैन ।

- नुनको प्रयोग कम गर्ने, नियमित एक्सरसाइज गर्ने ।

- धेरै मानिससित यौन सम्पर्क राख्नाले पनि क्यान्सर रोग लाग्ने सम्भावना उच्च हुन्छ ।

- चिल्लो खानेकुरा खानबाट बच्ने ।

- ग्रीन टीको सेवन क्यान्सर रोगको उपचारमा लाभदायक मानिन्छ ।

- क्यान्सर भएमा दूध, दही लगायतका डेरी प्रोडक्टको प्रयोग नगर्ने ।

- क्यान्सरका रोगीहरुमा बेसारको प्रयोग लाभदायक छ ।

- गहुँ लगायतका मिश्रति आटाको प्रयोग फाइदाजनक छ ।

- आलु, बैगुन, अरबी खानबाट परहेज गर्ने ।

- कलौंजीको तेल तथा अंगूरको रसलाई मिलाएर दिनमा तीन पटक सेवन गर्ने , लसुन खाने

- सकेसम्म अर्गानिक तथा प्राकृतिक वस्तुको प्रयोग गर्ने ।

- रातो निलो, पहेलो तथा व्याजी कलरको फलफूल तथा साजसब्जी जस्तै, जामुन, टमाटर, मेवा, कालो अंगूर, अम्बा, तरबूजा खानाले क्यान्सरको जोखिम कम हुन्छ ।

क्यान्सरमध्य पनि सर्वाभाइकल क्यान्सरबाट बच्नका लागि एक प्रकारको खोप बजारमा उपलब्ध छ । यो छ महिनाभित्रमा तीन पटक लगाउन सकिन्छ । एघार देखि चालीस वर्षका महिलालाई लगाइन्छ, जसले गर्दा महिलाहरुमा क्यान्सरको खतरा कम हुने गर्छ। मुख सम्बन्धि समस्यामा उपयोगी बबुल स् बबुलको डाठँ वा पत्ता मुख तथा आमाशयको क्यान्सरमा विशेषरुपले लाभदायक मानिन्छ। एक अनुसन्धानका अनुसार यसको पत्तामा कयौप्रकारका क्यान्सररोधी तत्व पाइन्छ । तर पिरो हुनाका कारण यसले शरीरको मटाबोलिज्मलाई प्रभावित पार्न सक्छ ।

त्यसैले, काडा बनाउँदा यसको पत्ताको सट्टा यसको डाठँको मात्र प्रयोग गरिन्छ। पत्तामा रहेका विभिन्न तत्वको फाइदा लिनका लागि विशेषज्ञ यसको पत्तालाई पानीमा उमालेर कुल्ला गर्न सल्लाह दिन्छन्। जसले गर्दा मुखमा रहेको किटाणु नष्ट हुने गर्छ।

पुनर्नवाका पञ्चाङ्ग सबै प्रकारको क्यान्सरका लागि फाइदाजनक मानिन्छ। अझ रक्त क्यान्सरका विरामीको लागि विशेष लाभदायक मानिन्छ। औषधीको रुपमा यसको पञ्चाङ्ग ९फल, फूल, पत्ता, त्यान्द्रा, जड० को रस, काढा वा चूर्णको रुपमा प्रयोग हुने गर्छ। पञ्चाङ्ग बजारमा पनि सजिलै उपलब्ध छ। यसको पत्ताको तरकारी बनाएर पनि सेवन गर्न सकिन्छ।


लिपुलेकमा जनगणना गर्न अनेरास्ववियूको माग

Thursday, October 07, 2021

लिपुलेकमा जनगणना गर्न अनेरास्ववियूको माग

काठमाडौं ।

नेकपा एमालेनिकटको विद्यार्थी संगठन अनेरास्ववियूले कालापानी, लिपुलेक र लिम्पियाधुरा क्षेत्रलाई पनि जनगणनामा समेट्न माग गरेको छ ।

अध्यक्ष सुनिता बरालले एक विज्ञप्तिमार्फत केपी ओली नेतृत्वको सरकारले ती क्षेत्र समेटेर नयाँ नक्सा बनाएको जनगणनामा समेट्न माग गरिकि हुन ।

विज्ञप्ति:

मिति : २०७८ असोज २१

विज्ञप्ति

राष्ट्रिय स्वाभिमान, गणतन्त्र, न्याय र समानताको आन्दोलनमा निर्णायक भूमिका निर्वाह गर्ने अनेरास्ववियु, शैक्षिक आन्दोलनको नेता, लोकतान्त्रिक गणतन्त्रको योद्दा, सामाजिक परिवर्तनको संवाहक, राष्ट्रियताको पहरेदार, रचनात्मक कृयाकलापको नेता संगठन हो । लोकतन्त्र र मानव अधिकार, सामाजिक न्याय सँगसँगै बिद्यार्थी हकहित र अधिकार प्राप्तिको लागि निरन्तर जागरुक रहँदै उज्वल शैक्षिक भविश्य निर्माणका निम्ती समेत सदैव क्रियाशील रहेको संगठन हो ।

१. नेपालमा प्रत्येक दश बर्षमा गरिने जनगणना कार्य यतिबेला हुँदैछ । तर, पूर्ववर्ती सरकारले कालापानी, लिपुलेक र लिम्पियाधुरा क्षेत्रलाई नेपालको नक्सामा समेट्ने जस्तो महत्वपूर्ण कार्य गर्दा पनि बर्तमान सरकारले उक्त नेपाली भुमीमा गणकहरु समेत अहिले सम्म नपठाएको बिषय प्रती हाम्रो गम्भिर असहमती रहेको छ । सन् १८१६ मार्च ४ मा ब्रिटिश, भारत र नेपाल बिच भएको सुगौंली सन्धी र अन्य महत्वपूर्ण ऐतिहासिक दस्ताबेजहरुले समेत उक्त क्षेत्र नेपालको भएको पुर्नपुष्टी गर्दा समेत यो परमादेशी सरकारले उक्त क्षेत्रको जनगणनाका बिषयमा गाम्भिर्यता नदेखाउँदा सरकारको नियतमाथी नै प्रश्न उठेको छ । कालापानी, लिपुलेक र लिम्पियाधुरा क्षेत्रमा तत्काल सुपरिवेक्षक र गणकहरु पठाउँदै हाम्रो नेपाली भु–भागमा जनगणना कार्य तत्काल अगाडि बढाउन हामी जोड्दार माग गर्दछौं ।

२. सरकार जनताको अविभावक हो । तर, वर्तमान परमादेशी सरकार जनजिविकाको बिषयमा एकरत्ती पनि गम्भिर नभएको देखिन्छ । हामी सम्पूर्ण नेपालीहरु दशैं, तिहार र छँठ जस्ता ठुला पर्वको सम्मुखमा छौं, तर बजारमा कालो बजारी बढ्दो छ, बसपार्कमा टिकटको कालोबजारी खुलम्खुल्ला छ । तर परमादेशी सरकारले पूँजीपतीको पक्षपोषण गर्दै यस्ता क्रियाकलापहरु नियन्त्रणमा ध्यान दिएको छैन । यस्ता दैनिक उपभोग्य बस्तुको कालोबजारी निर्मुल गर्न, नियन्त्रण गर्न, अनुगमन गर्न र तत्काल संयन्त्र बनाई कालोबजारी गर्नेहरुलाई कडा भन्दा कडा कारवाहीको माग गर्दर्छाैं ।

३. सार्वजनिक यातायातमा भर्खरै परमादेशी सरकारले ३५ प्रतिशतले भाडा वृद्धि गरेको छ । जसका कारणले सर्वसाधारणहरु अत्यन्तै मर्कामा परेका छन् । तसर्थ उक्त भाडादर तत्काल घटाउन जोडदार माग गर्र्दै विगतमा अनेरास्ववियुको संघर्षबाट प्राप्त उपलब्धी यातायात र सार्वजनिक क्षेत्रमा बिद्यार्थीलाई प्रदान गरिएको ४५ प्रतिशत छुट पूर्ण कार्यान्वयन गर्न र अन्य यात्रुहरुलाई सहज ढंगले टिकट उपलब्ध गराउने बिषयमा प्रभावकारी अनुगमन, छुट नदिने र कालोबजारी गर्नेहरुलाई तत्काल कारबाही गर्न सरकार समक्ष जोड्दार माग गर्दछौं ।

अन्यथा, दलाली र माफियाकरणका बिरुद्द अनेरास्ववियु कडा कदम चाल्न बाध्य हुने जानकारी सहित चेतावनी दिन चाहाँन्छौं ।

हार्दिक अभिवादन सहित !

सुनिता बराल

अध्यक्ष

लिपुलेकमा जनगणना गर्न अनेरास्ववियूको माग

खोकी लाग्दा खानै नहुने कुराहरु, जसले बढाउछ धेरै जोखिम

Thursday, October 07, 2021

खोकी लाग्दा खाने नहुने कुराहरु

मनसूनमा ब्याक्टेरियल इन्फेक्सनका कारण मानिसहरुमा खोकी र ज्वरोको समस्या देखिएको छ। यो मौसममा औषधी खाँदा ज्वरो त कम हुन्छ तर खोकी भने चाँडो निको हुँदैन। डाक्टरका अनुसार खानपिनका यस्तो केही कुराले खोकी र छातीको खकारको समस्या थप बढ्न सक्छ।

दुधः

विशेषज्ञका अनुसार खोकी लाग्दा दुधबाट टाढै बस्नुपर्छ। दुध पिउँदा छातीमा कफको समस्या थप बढ्ने गर्छ जसका कारण खोकीको समस्या बढ्नेछ। यस्तोमा तपाईंले कुनै पनि दुग्धजन्य पदार्थबाट टाढा नै बस्नुपर्छ।

भातः

डाक्टरका अनुसार भात चिसो प्रकृतिको हुन्छ र यसमा खकार बन्ने गुण पाइन्छ। यस्तोमा यसले रुघा-खोकीको समस्यालाई थप बढाउन सक्छ। यसै कारण रुघा-खोकी लाग्दा वा घाँटीको संक्रमण हुँदा डाक्टरले भात, दही, मसालेदार भोजन, केरा आदि नखान सल्लाह दिन्छन्।

चिनीः

खोकी लाग्दा चिनी पनि खानुहुँदैन। यसले छातीमा इन्फ्लेमेशनको समस्यालाई बढाउने काम गर्छ। यति मात्रै होइन, चिनीले हाम्रो प्रतिरोधी क्षमतालाई कमजोर गरेर रुघा–खोकीको समस्या बढाउन सक्छ।

कफीः

यदि तपाईंलाई खोकी लागिरहेको छ भने क्याफिन युक्त पेय पदार्थको सेवन गर्नबाट बच्नुहोस्। क्याफिनले घाँटीको मांसपेशीलाई डिहाइड्रेट गर्ने काम गर्छ जसका कारण खोकीको समस्या थप बढ्न सक्छ।

मद्यपानः

चिनीजस्तै रक्सीजन्य पदार्थले पनि छातीमा इन्फ्लेमेशनको समस्या बढाउने काम गर्छ। यो हाम्रो सेतो रक्त कोसिकाका लागि पनि खतरनाक छ जसले शरीरको घाउ भर्ने प्रक्रियालाई सुस्त बनाउँछ।

तारेका खानेकुराः

मनसूनमा मानिसहरुलाई चियासँग पकौडा, फ्रेन्च फ्राइज खान मनपर्छ। तर ब्याक्टेरियल इन्फेक्सनका कारण खोकी लागिरहेको छ भने बिर्सेर पनि तारेका खानेकुरा नखानुहोस्। चिल्लो, भुटेका, तारेका खानाले तपाईंको घाँटीमा क्षती पुर्याउँछ र खोकीको लक्षणलाई गम्भीर बनाउनेछ।

प्रोसेस्ड फूडः

वर्षायाममा खोकीको समस्या हुँदा प्रोसेस्ड फूडबाट पनि टाढै बस्नुहोस्। तपाईंले बजारमा पाइने डिब्बामा बन्द गरिएका खानेकुरा, क्यान सूप वा केचअपजस्ता खानेकुरा पनि टाढै बस्नुपर्छ।

चिसा खानेकुराः

यो मौसममा यदि तपाईंलाई खोकीले सताइरहेको छ भने चिसो खानेकुराबाट बच्नुहोस्। तपाईंले आइसक्रिम वा चिसो पानी वा जूस बिर्सेर पनि खानुहुँदैन। चिसा खानेकुराले तपाईंको खोकीलाई थप बढाउने गर्छ।

यस्ता खानेकुरा खाँदा पाइन्छ राहत

ब्याक्टेरियल इन्फेक्सन हुँदा दालचिनी, काँचो लसुन वा ल्वाङजस्ता चिजको सेवनले घाँटीलाई राहत दिन सक्छ। औषधीय गुणले भरपुर यी खानेकुराले खोकी लाग्दा निकै हदसम्म आराम दिनसक्छ।

छोरा मान्छेहरुको फेसनमा यति कुरा याद गरे बबाल ह्यान्डसम

Thursday, October 07, 2021

छोरा मान्छेहरुको फेसनमा यति कुरा याद गरे बबाल ह्यान्डसम

फर्मल वेयरको रुपमा सुट सहि छनौट हुनसक्छ। यसले स्मार्ट र पर्फेक्ट लुक्स दिन्छ। यद्यपी कतिपय अवस्थामा सानो कमजोरीले पनि हाम्रो व्यक्तित्वलाई असर पार्छ। त्यसैले सुट लगाउँदा केहि कुरा ध्यान दिनैपर्छ। सुट मात्र होइन यो संग मिल्ने खालका अन्य कुराहरुपनि ध्यान पुर्याउनु आवस्यक देखिन्छ। तल दिइएका मध्य केहि कुराहरुमा ध्यान दिन सकियो भने ब्यक्तित्व मा सकारात्मक परिवर्तन देखा पर्न थाल्दछ।

गलत मोजाको कम्बिनेसन

संभव भएसम्म पाइन्टको रंगसँग मिल्ने मोजा लगाउनुपर्छ। सुटसँग ह्वाइट र प्रिन्टेट मोजा लगाउँदा सुहाउदैन। मोजाको साइज भने आफ्नो इक्षा अनुसार लामो या छोटो लगाउन सकिन्छ तर अचेल लामो भन्दा छोटो मजा लागउने चलन बढ्दो छ र आकर्षक पनि देखिन्छ।

जुत्ता र बेल्टको रंग

जुत्ता र बेल्टको रंग आपसमा अमिल्दो हुनुहुँदैन । ब्राउन जुत्ता लगाइएको छ भने, त्यही रंगको बेल्ट लगाउनुपर्छ । साथै कालो रंगको बेल्टमा, कालै रंगको जुत्ता बढी खुल्छ ।

उस्तै पकेट स्क्वायर र टाई

पकेट स्क्वायर पनि लगाउने सोंचमा हुनुहुन्छ भने टाईसँग त्यसको कलर एकनासे हुनुहुँदैन । दुबै अलग-अलग डिजाइनको हुनुपर्छ । ब्लेजरको सबै बटन लगाएर राख्नु – ब्लेजरको पुच्छरको बटन जहिलेपनि खुलै राख्नुपर्छ । नभए सुट कसिलो देखिन्छ ।

सुट र जुत्ताको गलत म्याचिङ

कालो जुत्ता हरेक किसिमको सुटसँग मिल्दो देखिन्छ । यद्यपी ब्राउन कलरको जुत्तासँग ब्लु, नेवी ब्लू, ग्रे, ब्राउन आदि कलरको सुटसँग मात्र कम्बिनेसन मिल्छ । सुटसँग ब्याप्याक बोक्नु- यदि अफिसमा सुट लगाएर जाँदै हुनुहुन्छ भने, ल्यापटपका लागि ब्याकप्याक नबोक्नुहोस् । बरु त्यसको बदलामा ह्यान्ड व्याग बोक्नुपर्छ ।

बिना बटन खोलेर बस्नु

सुट लगाएर बस्दा अक्सर कोटको बटन खोल्नुपर्छ । कोटभन्दा बाहिर सर्टको कलर राख्नु– शटको कलर ब्लेजरको माथिबाट राख्नु हुँदैन, यो गुजि्रसकेको फेसन हो । सर्टको कलर जहिलेपनि ब्लेजरको कलरभन्दा तल हुनुपर्छ ।

फर्मल सुटसँग क्याजुअल बेल्ट

सुट फर्मल वेयर हो। अतः यसका लागि सोहि किसिमको बेल्ट लगाउनु पर्छ । क्याजुअल बेल्ट लगाइयो भने त्यसले तपाईको व्यक्तित्वमै असर पार्छ । त्यसैले जहिलेपनि सुटसँग क्लासिक लेदर बेल्ट लगाउनुपर्छ ।

साइजभन्दा लामो सर्ट

आफ्नो सर्टको कफ्स हातभन्दा माथि आउनु हुँदैन । ध्यान राखौं कि, शर्टको स्लीव्स, ब्लेजको स्लीव्सभन्दा लामो नहोस् ।


दशैको साइत: बिश्वभरका कुन देशमा कति बजे

Thursday, October 07, 2021

काठमाडौं ।

अन्तरराष्ट्रिय पञ्चाङ्ग निर्णय समितिले यस वर्ष विश्वका विभिन्न देशका शहरमा विजयादशमीको टीकाको साइत सार्वजनिक गरेको छ । समितिको बैठकले नेपालको काठमाडौँका लागि कात्तिक १० गते (अक्टोबर २६) बिहान १०ः१९ बजेको साइत उत्तम रहेको जनाएको छ ।

यसैगरी भारतको दिल्लीमा बिहान १०ः३५, अमेरिकाका न्युयोर्कमा अक्टोबर २५ (कात्तिक ९ गते) बिहान ११ः०५, केन्टुकीमा बिहान ११ः०७, टेक्सासमा बिहान ११ः५७ र क्यालिफोर्नियामा ११ः४५ बजेको साइत दिइएको समितिका अध्यक्ष प्रा डा माधव भट्टराईले बताए ।

यसैगरी बेलायतको लण्डनका लागि बिहान ११ः३९, क्यानडाको टोरन्टोका लागि बिहान ११ः४३, पोर्चुगलको लिस्बनका लागि बिहान ११ः३७ र फ्रान्सको पेरिसका लागि बिहान ११ः४१ बजे विजयादशमीको टीका लगाउनु शुभ रहेको समितिले जनाएको छ । यी शहरमा पनि अक्टोबर २५ तारिखका दिन विजयादशमी पर्व मनाइन्छ ।

जापानको टोकियोमा अक्टोबर २६ तारिखका दिन बिहान ११ः३५, अष्ट्रेलियाको सिड्नीमा बिहान ०९ः४३, अष्ट्रेलियाकै मेलबर्न शहरमा बिहान ९ः५३ बजे, अष्ट्रेलियाकै ब्रिसबेनमा बिहान ९ः५१, मलेसियाको क्वालालम्पुरमा बिहान १०ः३५, संयुक्त अरब इमिरेट्सको अबुधाबीमा बिहान १०ः४३, कतारको दोहामा बिहान १०ः२१, थाइल्याण्डको बैङ्ककमा बिहान १०ः३३, दक्षिण कोरियाको सोलमा बिहान १०ः२७, इजरायलको तेल अभिभमा बिहान १०ः३७, सिङ्गापुरमा बिहान १०ः४१, हङकङमा बिहान १०ः४९, साउदी अरबमा बिहान १०ः२५, न्युजिल्याण्डको वेलिङ्टनमा बिहान १०ः१५ बजेको समयमा दशैँको टीका लगाउन उत्तम हुने जनाइएको छ । यी शहरमा पनि अक्टोबर २६ तारिखकै दिन विजयादशमी मनाउनुपर्ने समितिले जनाएको छ ।

विभिन्न देशमा फैलिएका नेपाली एवं वैदिक सनातन धर्मावलम्बीले दशैँको टीका लगाउन शुभसाइत माग्न थालेपछि समितिले ती देशका स्थानीय समयानुसार शुभ हुने बेलामा साइत दिइएको जनाएको छ । विश्व ज्योति महासङ्घले समिति गठन गरेको हो । नेपाल पञ्चाङ्ग निर्णायक समितिले यसअघि नै नेपालका लागि दशैँका विभिन्न साइत सार्वजनिक गरिसकेको छ ।


दशैको साइत: बिश्वभरका कुन देशमा कति बजे

3 Oct 2021

टन्सिलको समस्याबाट सधैंको लागि छुटकारा पाउन अपनाउनुहोस् यी उपाय

Sunday, October 03, 2021

टन्सिलको समस्याबाट सधैंको लागि छुटकारा पाउन अपनाउनुहोस् यी उपाय

परिचय

घाँटीको माथिल्लो भाग र मुखको पछाडिपट्टी छेउमा रहेका दुईवटा ग्रन्थीलाई टन्सिल भनिन्छ । यो प्राकृतिक रुपमा बनेको एउटा ग्रन्थी वा डल्लो हो । यी डल्लो वा ग्रन्थीले हाम्रो शरीरमा पिल्लरको काम गर्छ ।

हाम्रो शरीरभित्र प्रवेश गर्ने किटाणुसँग लड्ने रोग प्रतिरोधक क्षमता नै यी ग्रन्थीमा हुन्छ । टन्सिल बच्चा बेलामा खासै विकास भएको हुँदैन । ६ वर्षसम्म टन्सिल बढ्छ र त्यसपछि विस्तारै घट्छ । यी दुई ग्रन्थीहरुले शरीरको रोगप्रतिरोधक क्षमता बढाउँछ तर कहिलेकाँही आफै संक्रमण हुन्छ । यस्तो अवस्थामा घाँटी फुलेर रातो हुन्छ ।

मौसम परिवर्तनका समयमा हाम्रो शरीरमा रोग प्रतिरोधात्मक क्षमता कम हुँदा बढी सताउने गर्छ । टन्सिल ब्याक्टेरियाले गर्दा हो कि भाइरसले भन्ने छुट्टयाउनु पर्छ । यदि भाइरसका कारणले हो भने घाँटी दुख्ने, ज्वरो आउने र रुघाखोकी लाग्ने हुन्छ ।

त्यसलाई कम गर्न चिकित्सकको सल्लाह अनुसार एन्टिबायोटिक खाएको ४ देखि ५ दिनमा निको हुन्छ। तर व्याक्टेरियाको संक्रमणले गर्दा घाँटी दुख्ने ग्रन्थी बढ्ने, ज्वरो आउने, पाक्ने तथा पिप जम्ने र शरीर दुख्ने तथा गिर्खा आउने जस्ता समस्या हुन्छ ।

व्याक्टेरियाले टन्सिल सुनिने वा गिर्खा बढ्ने हुन्छ । यस्तो समस्या आएमा चिकित्सकको सल्लाह बमोजिममात्र एन्टिबायोटिक सेवन गर्नुपर्छ । दीर्घकालीन रोगका बिरामीलाई पनि टन्सिल बढ्ने समस्या हुन्छ । टन्सिल भयो भनेर डक्डरकोमा हतारिएर जानु पर्छ भन्ने छैन ।

पहिले घरमा उपलब्ध सामग्री प्रयोग गर्दा राम्रो हुन्छ किनकि घरकै सामग्रीले पनि निको हुन्छ टन्सिल । यदी वर्षमा एकपट टन्सिल हुन्छ भने त यो सामान्य सामस्या हो तर यसभन्दा धेरै भएमा यो खतरनाक हुन्छ । यदी टन्सिल भएको खण्डमा एन्टी बायोटिक लिनुको सट्टा केही घरेलु उपचार गर्न सक्नु हुन्छ ।

टन्सिल भयो भने यसो गर्ने ? जान्नुहोस:

तातो पानीले कुल्ला गर्ने, टन्सिल हुँदा तातो पानीले कुल्ला गर्नु सबैभन्दा प्रभावकारी उपाय हो । पानीलाई मनतातो बनाएर त्यसमा अलिकति नून हाल्ने। र, त्यसले दिनमा तीन-चार पल्ट कुल्ला गरौं । नूनिलो पानीले कुल्ला गर्दा टन्सिल सुन्निन कम हुन्छ र दुखाईमा पनि राहत मिल्छ।

बेसार पानी खाने:

बेसारले भित्री संक्रमणबाट बचाउन प्रभावकारी काम गर्छ । यो प्राकृतिक एन्टिबायोटिक्स नै हो । बेसार शुद्ध चाहि हुनुपर्छ । शुद्ध किन भनिएको भने, अहिले बजारमा पाइने बेसारमा अनेक मिश्रण हुन्छ । त्यसैले गाउँघरको बेसार प्रयोग गरौं । बेसारलाई तातो पानीमा घोल्ने र त्यसले कुल्ला गर्ने वा खाने गरौं । यसले प्रभावकारी काम गर्छ ।

तुलसी चपाउने :

तुलसी बहुगुणी वनस्पती हो । टन्सिल भएको अवस्थामा तुलसी चपाउनुपर्छ, राहत मिल्छ । साथै यसलाई पानीमा उमालेर पनि पिउन सकिन्छ । पानी पिइसकेपछि बाँकी रहेको पात पनि चपाउनुपर्छ।

मह र दालचिनी :

दालचिनीमा दुखाई कम गर्ने तथा महमा एन्टिब्याक्टेरियल गुण हुन्छ । त्यसैले यी दुवै टन्सिलमा फाइदाजनक हुन्छन् । यसका लािग अलिकति दालचिनी पिस्नुस । त्यसपछि दुई चुट्की दालचिनीलाई एक चम्चा महमा मिसाएर दिनमा तीन पटक सेवन गरौं । यसबाट दुखाई भाग्छ र सुन्निन पनि कम हुन्छ ।

हर्बल चिया :

हर्बल चिया पिउँदा पनि टन्सिलको समस्याबाट छिट्टै छुट्कारा पाउन सकिन्छ । टन्सिलका कारण टन्सिलाइटिसको संक्रमण हुन्छ र हर्बल चियाले यसमा जमेको ब्याक्टेरिया र किटाणु बिस्तारै बिस्तारै मारिदिन्छ। यसले गर्दा घाँटी सुन्नि कम हुन्छ र दुखाई पनि ठिक हुन्छ । हर्बल चिया बनाउनका लागि ग्रीन टीमा ल्वाङ, अलैंची र दालचीनी मिलाएर पिउन सकिन्छ । यसका साथै अदूवा र महयुक्त चिया पनि टन्सिलको उपचारमा प्रभावकारी हुन सक्छ।

लसुन या ल्वाङको प्रयोग :

टन्सिल भएको खण्डमा लसुन या ल्वाङ चुस्दा धेरै फाइदा हुन्छ। यसका अलावा उम्लिएको पानीमा ४–५ लसुन राखि उमाल्ने र छानेर यसले मुख कुला गर्ने जसले टन्सिललाई कम गर्न फाइदा पुग्छ। हरेक दिन मनतातो पानीमा नुन राखेर या नन अल्कोहलिक माउथवास राखेर मुख कुला गर्दा टन्सिलको समस्याबाट आराम मिल्छ । अझ नुनमा थोरै बेकिंग पाउडर राखेर कुला गर्दा थप फाइदा हुन्छ।

चूक अमिलोको प्रयोग :

चूक अमिलोमा पनि एन्टी ब्याक्टिरियल गुण हुन्छ । जो टन्सिलको समस्याबाट आरम दिनका लागि सहायक हुन्छ । भिनेगर आजकल बजारमा सहज रुपमा उपलव्ध हुन्छ । यसलाई पानीमा मिलाएर कुरा गर्न गर्न सक्नु हुन्छ । यो चिसो र फ्लूको भाइरससँग भिड्न पनि सक्षम हुन्छ ताथ यी विरामी हुनबाट जोगाउँछ ।

अत्याधिक पानी :

टन्सिलबाट आराम चाहिएको खण्डमा अत्याधिक पानी पिउनु जरुरी छ । सूप, जूूस तथा अन्य पेय पर्दाको प्रयोग बढी गर्नु आवश्यक छ । पानी पिउँदा गला चिसो रहन्छ । तर पेयपदार्थमा चिया, कफी या रक्सीलाई भने पूर्णरुपमा त्याग्नु पर्छ ।

चिकेन सुप :

चिकन सूपमा सोडियमको मात्रा धेरै हुन्छ । यो सू्रपमा कयौं पोषक तत्वपनि पाइन्छ । टन्सिल भए खाना खानसकिँदैन । जसका कारण शरीरमा भएको पोषक तत्वको कमीलाई चिकेन सुपले पुरा गर्छ । टन्सिल भएको खण्डमा लसुन या ल्वाङ चुस्दा धेरै फाइदा हुन्छ । यसका अलावा उम्लिएको पानीमा ४–५ लसुन राखि उमाल्ने र छानेर यसले मुख कुला गर्ने जसले टन्सिललाई कम गर्न फाइदा पुग्छ ।

टन्सिल भयो भने यसो कहिले नगर्नुहोस् :

टन्सिलको समस्या प्राय औधि चिसो वा गर्मी चिज खानाले हुन्छ । त्यसैले टन्सिल भएको छ भने चिसो कुरा खान बन्द गरौं । यस्ता फल र आहारबाट बच्नुस जुन पेटभित्र गएपछि चिसो हुन्छ । यसका अलावा अत्यधिक तेल, मसला र खुर्सानीवाला खानाबाट पनि टाढै रहनुपर्छ ।

टन्सिलको लक्षण :

घाँटी दुख्ने, ज्वरो आउने, टन्सिल बढ्दै जाने, निल्न गाह्रो हुने तथा घाँटी वरपरका लिम्फ नोडहरू बढ्ने, थुक निल्न पनि गाह्रो हुने, ज्वरो आउने – टाउको दुख्ने, टन्सिलमा पिप देखिने, खाना खान मन नलाग्ने, आलस्य हुने, घाँटीको ग्रन्थीहरू सुन्निने, वान्ता हुने, पेट दुख्ने

लक्षणहरु :

१) सुरुमा बिरामीलाइ घाटीमा अफ्ठयारो हुन्छ,
२) भोक नलाग्ने र अल्छि लाग्न सक्छ,
३) बिस्तारै ज्वरो आउन थाल्छ,
४) टन्सिलहरु सुनिएको र रातो रातो देखीन्छ,
५) त्यसपछि पनि निक्लिन थाल्छ,
६) पिप बग्ने वा सुजन हुनछ,

७) लिम्फमा तन्तुहरु सुनीन्छ र कडा हुन्छन्र

टन्सिलका कारण निम्तिन सक्ने जटिलता :

टन्सिल भएपछि बच्चाहरूको कान पाक्न सक्छ । घाँटीबाट संक्रमण कानको नलीमा सर्न सक्छ। रुमेटिक ज्वरो, नेफाइटिस, टेस्लिको ब्याक्टेरिया खास गरी स्ट्रेप्टोकोकस हेमोलाइटिकाले घुँडा दुख्ने, मुटुको भल्भ सानो पार्ने हुँदा मुटुमा असर गर्छ। टन्सिलको समस्यालाई समयमै उपचार नगरे यसबाट श्वासप्रश्वासमा समस्या बढ्न थाल्छ। टन्सिल समस्या बेलैमा राम्रोसँग उपचार नगरेमा दीर्घ प्रकृतिको रोगमा परिवर्तन हुन्छ। बारम्बार घाँटीको संक्रमण भइराखेमा लिम्फोइड तन्तुमा सूक्ष्म पिप बग्न थाल्छ।

टन्सिल सम्बन्धि घरेलु थप जानकारी :

टन्सिल भएमा तातो पानीको नियमित सेवन गर्नु पर्छ। यसका साथै तातो पानीमा प्याजको रस मिलाएर घाँटीमा कुल्ला गरेमा आराम मिल्नुका साथै यस समस्याबाट छुटकारा पाउन सकिन्छ। प्याजलाई पिसेर जुस निकालेर एक कप मनतातो पानीमा मिलाएर घाँटीमा गार्गेलिङ गर्ने गर्नु पर्छ। यो दिनमा २ देखि ३ पटकसम्म गर्नु जरुरी हुन्छ । टन्सिलकका लागि यो एक घरेलु औषधि नै हो।

यस्तो अवस्थामा नियमित रुपमा नुन हालेको मनतातो पानीले गार्गेलिङ गर्नुपर्छ। जसले गलामा आराम मिल्छ। अदुवा, इलायची र मरिचको चियाले गलाको खराशमा आराम मिल्छ। यसका साथै आराम गर्ने, प्रशस्त मात्रामा झोलिलो पदार्थको सेवन गर्ने फ्रिजको वा अन्य कुनैपनि चिसो चिजको सेवन नगर्नु र चिसो बाट बच्नुका साथै चिल्लो खानेकुराको सेवनबाट टाढै रहुनुपर्छ।