खडानन्दका चुट्किलाहरु - जीवन भट्टराई
पेट मिची मिची हाँस्नुपर्ने खडानन्दका चुट्किलाहरु - जीवन भट्टराई
खडानन्द र पत्नीको बिचमा अलि अगाडिदेखी ठाकठुक चलिरहेको थ्यो ।
खडानन्द ---- यस्तै हो भने म तिम्लाई छोड्दिन्छु .........!
पत्नी --- पर्दैन , तिम्ले किनिदिएको स्कुटी छँदैछ , म आफैं गइहाल्छु नि ...........!!!
खडानन्द बाइकमा सवार थिए , ट्राफिक जाममा फसे , हेल्मेट बाहिरैबाट यसो टाउको कन्याए जस्तो गरे । पछाडिबाट अर्को मान्छे करायो ।
मान्छे --- ओ दाजु , टाउको चिलायो भने हेल्मेट निकालेर कन्याउ न , हेल्मेट बाहिरबाट पनि कन्याइन्छ त .........................?
खडानन्द --- भाइ तिमी बढी बाठो हुन नखोज त , अब तिम्लाई खुट्टाको तिघ्रामा चिलायो भने पाइण्ट नै खोलेर कन्याउँछौ र .....................?????
जाडोमा नुहाउन भनेपछी मरुँला जत्तिकै गर्ने खडानन्दले अस्तिको मकर संक्रान्तिका दिन नुहाउने निधो गरे ।
खडानन्द --- यता सुन त ......!
पत्नी --- के हो ? भन न ...........!
खडानन्द --- म नुहाउन पस्दैछु , ४ मिनेटमा बाहिर निस्किन्छु , बाहिर निस्किन भने बाथरूमको ढोका फोरेर बाहिर निकाल्नु है मलाई ............!!!
अस्तिको चुनाबको कुरा हो । खडानन्द भोट दिन गए । मतदान कर्मचारीले जब अौंला पक्डेर कालो मसी लगाउन खोज्यो ।
खडानन्द --- सर , यो अौंलामा लगाएको कालो कति दिनमा जान्छ होला ............?
कर्मचारी --- बस्छ होला हौ लगभग डेढ दुई महिना जति त ................!
खडानन्द (टाउको झुकाउँदै) --- ल त सर , टाउकोमा झ्याप्पसँगले खन्याइदिनुस त त्यो कालो , त्यसका बाजेको मेहेन्दी लगायो १५ दिन पनि टिक्दैन भन्या ...............!!!
खडानन्द र आठ कक्षामा पढ्ने छोरा ।
छोरा--- बुबा , हाम्रो स्कुलमा अङ्ग्रेजी पढाउने एउटी म्याडम साह्रै राम्री हुनुहुन्छ ...............!
खडानन्द --- हैट त्यसो भन्नू हुँदैन छोरा , म्याडमहरुलाई आफ्नै मम्मी सम्झिनु पर्छ .........!
छोरा --- थाहा छ मलाई , तपाइँ त सधैं आफ्नै बारेमा त सोच्नुहुन्छ नि ..................!!!
खडानन्द ससुरालीतिरका सँग यति रिसाएका थिए कि कोहि घरमा आए पनि वास्तै गर्दैनथिए । एकदिन उनको सालो आइपुग्यो घरमा ।
पत्नी --- मेरो भाइ आएर बस्या छ घरमा, कमसेकम उसलाई खानाको बारेमा त सोध ...............!
खडानन्द ---- भाइ, तिमिले खाना खाएरै आयौ कि ? अब उतै घरै गएर खान्छौ .................???
खडानन्द बैंकमा मेनेजर भएका थिए । एकदिन छेवैको होटलमा गए । होटल साहुलाई नै सोद्धैथिए उनी ।
खडानन्द --- नास्तामा के के छ ..............?
साहु --- नास्तामा , छ हजुर सबैथोक छ , समोसा तरकारी , परौठा , भेज ननभेज चाउमिन , मम , फ्राइ मम , छोला , पुरी सब्जी .............!
खडानन्द ---- अँ , मलाई परौठा र सब्जी पठाइदिनुस न टेबल नम्बर ४ मा ......!
साहु --- अहिले त सबैथोक सकिएको छ हजुर ..............!
खडानन्द --- अनि अघि त्यत्रोबेर के बकबक गरेको त ............?
साहु --- हो हजुर , म जब एटिएम कार्ड लिएर हजुरको बैंकमा जान्छु नि , एटिएम मेशिनले भाषा शाशा , मेरो एकाउण्ट नम्बर , पिन नम्बर, रिसिप्ट चाहियो कि चाहिएन, सबकुरा सोध्छ र लास्टमा भन्छ , "No cash "
त्यो बेला मलाई कस्तो लाग्छ होला हजुर ..................!!!!
खडानन्द र हरिबोलको कलेज टाइम ।
हरिबोल--- ओए खडे , फेसबूक install गरिछस् त , चुट्किला लेखेर पठा न ...............!
खडानन्द --- पख एकछिन , परीक्षा आइसकेको थाहा छैन साले .....? म पढेर बसिराको छु ............!
हरिबोल(एकछिन पछि )--- अँ , राम्रो छ जोक, अर्को पनि पठा न .................!!!
खडानन्दले प्याथोजी ल्याबमा ब्लड ग्रुप चेक गर्न दिएका थिए ।
खडानन्द --- कुन ग्रुपको रैछ बहिनी, मेरो रगत ....................?
बहिनी--- तपाइको ब्लड ग्रुप T Positive ...........!
खडानन्द --- हँ? यो कस्तो ब्लड ग्रुप हो फेरि ..................?
बहिनी --- दिनको २०/२५ कप चिया पिउँछु भन्नुभाको हैन ? त्यही भएर होला नि ...............!!!!!
खडानन्द र पत्नी
पत्नी --- I love you .............!
खडानन्द---हँ, अरु केही नयाँ छ भने सुनाउ ...........!
पत्नी---नयाँ छ नि, मेरो पेटमा बच्चा छ ..................!
खडानन्द --- अरु केही नयाँ ..................?
पत्नी--- हँ, अर्को अझ नयाँ कुरो छ, बच्चाको बाउ तिमी होइनौ ........................!!!!
खडानन्द त्यो बेलाको नगद दस लाखमा सहभागी भए । प्रश्न सोद्धैथिए , चर्चित हास्य कलाकार मदनकृष्ण श्रेष्ठ ।
मदनकृष्ण ---- अँ त खडानन्द जी , यो प्रश्नको उत्तरको लागि तपाईंले साथिलाई फोन गर्न सक्नुहुन्छ .......................!
खडानन्द --- मेरो साथी हरिबोललाई फोन लगाइदिनुस .................!
मदनकृष्ण --- कम्प्युटरजी , उहाँको साथी हरिबोललाई फोन लगाइदिनुस .....!
(खडानन्दतिर फर्किएर )
तपाइँलाई के लाग्छ खडानन्द जी , तपाइँको साथिले यो प्रश्नको उत्तर दिन सक्नुहोला ...........?
खडानन्द --- उत्तर त मलाई नै आउँछ सर , तर त्यो हरामी गधाले म बाट १६,७५०/- रुपैयाँ लगेको आज ठ्याक्कै ८ महिना १७ दिन भयो , मैले गरेको फोन कहिल्यै उठाउँदैन...............!!!
खडानन्द र हरिबोल भेट भए ।
खडानन्द --- हाम्रो देशमा सामाजिक भेदभावको एउटा उदाहरण सुन्छस हरि ..............?
हरिबोल--- के हो .....? भन्न त .........!
खडानन्द ---- मिसेज राणाको पति ड्रिंक गर्नुहुन्छ , सरलाजीको पति मदिरा पान गर्नुहुन्छ ।
कैलीको बुडो रक्सी खान्छ , जँडयाहा छ ..........!!!
खडानन्द र हरिबोल ।
खडानन्द --- म यो देशमा एउटा क्रान्ति ल्याउन चाहन्छु ...छिट्टै ..........!
हरिबोल ---- बहुलाइस कि क्या हो ? कस्तो क्रान्ति ..................?
खडानन्द --- मकरसँक्रान्ति , माघ १ गते ...........!!!
खडानन्द घरमा बसिरहेका थिए ।
कवाडीवाला आयो ।
कवाडी--- हजुर , पुरानो कागजहरु छ भने दिनुस ..........!
खडानन्द --- अहिले हैन , मेरी पत्नी माइत गएकी छन् ..........!
कवाडी ---- ल ठिक छ हजुर , उसो भए खाली बोतलहरु नै दिइहाल्नुस ........!!!
खडानन्द अलि अघि र हरिबोल अलि पछि बाटोमा काम्दै हिंडिरहेका थिए , यो ठिहिर्याउने ठण्डीमा । खडानन्दले भुईंमा केहि भेट्टाए र हातमा उठाए ।
खडानन्द --- थुक्क साले गधाहरु ...............!
हरिबोल --- किन चिच्याको ? के भयो ............?
खडानन्द --- मर्न नसक्या गधाले दिसा पनि ठ्याक्कै समोसै जस्तो गरेछ , त्यसका बाजे ...............!!!
खडानन्द ९ कक्षामा पढ्दा ।
शिक्षक --- चिया बनाउने सरल तरिका के हो ? कसलाइ आउँछ ...............?
खडानन्द --- मलाई आउँछ सर ..........!
शिक्षक --- स्याबास, लु भन् त .........!
खडानन्द --- आफ्नो सबभन्दा सानो भाइ या बहिनीलाई छेउमा बोलाएर एक थप्पड लगाउने अनि "जा , चिया बनाएर ले ......." भन्ने.......!!
खडानन्दले लेडीजको लागि जुत्ता चप्पल पसल खोले र साइनबोर्डमा लेखाए ।
"जुत्ता चप्पलको मुल्यमा ७० प्रतिशत छुट , तर २ मिनेटभित्र मन पराएर लिइहाल्नेलाई मात्र".....
बिक्रम सम्वत २०८७ मा खडनन्द र खडानन्दकी बुढी आमा मेट्रो रेल चढेर कतै जाँदैथिए ।
आमा --- यी सबैले जनैको धागो किन कान- कानमा सिउरेका बाबू ...........?
खडानन्द --- त्यो जनै हैन आमा , त्यसलाई एयरफोन भन्छन् ..............!!!
खडानन्दलाई अङ्ग्रेजी नयाँ बर्षमा यति धेरै शुभकामना म्यासेज आए कि उनी same to you लेख्दा लेख्दै यति अभ्यस्त भए , त्यतिकैमा हरिबोलको म्यासेज आयो ।
हरिबोल(म्यासेज)--- मेरी पत्नी हिजो घरबाट भागी यार ..............!
खडानन्द(reply )--- Same to you ............!!!!
अविवाहित खडानन्दले एउटी युवतीको नम्बर कताबाट पाएर कल गरे ।
खडानन्द--- तिमी सिङ्गल हो, हैन .................!
युवती--- होइन त हजुर, मेरा दुइजना दाजु र एउटा भाइ छन् .......................!!!!
खडानन्द केटी हेर्न गए , बिहेको लागि ।
केटि चिया बनाउन गइन भित्र । चिया बनाएर बाहिर लिएर आउँदा खडानन्द फोनमा गफ गर्दैथिए ।
खडानन्द(फोनमा)---अँ सर , विनोद चौधरीजीलाई भन्दिनुस है , त्यो जुन एक करोड बाह्र लाखको गाडीको कुरो भाको छ नि , त्यसमा एकपैसा पनि कम हुँदैन रे भनेर..................!
(उता केटी उसलाई समेत ल्याएको चिया पनि आफैं पिइरहेकी थिइन् )
खडानन्द --- ओहो sorry ,फोनमा गफ गर्दा गर्दै यता त ध्यानै पो गएनछ ...........!
केटी ---- त्यो त ठिकै छ , तर सरलाई यो हाम्रो गाउँमा कुनै पनि टेलिकम कम्पनीको network छैन भन्ने कुरा पनि हेक्का नभए जस्तो छ ..................!!!!
खडानन्द बस यात्रामा कतै जाँदैथिए । यौटी युवती बसभित्र पसिन् ।
युवती --- खुरुक्क उठ्नुस त , यो महिला सिट हो ...........!
खडानन्द --- ए हो .......?(उठ्दै) , म त तपाइँ त जवान युवती पो भनेको त , महिला पो हो ..........?
(यात्रा भरी सिट खाली नै रह्यो तर ती युवती सिट्मा बसिनन्)
खडानन्द पोखरा गए । पर्सिपल्ट बिहान पत्नीले म्यासेज पठाइन् ।
पत्नी (SMS )--- तिमी पैसा तिरेर जे कुरा खरिद गर्छौ नि , म यहाँ दानमा दिन्छु ।
(खडानन्द त्यसैदिन बेलुका टुप्लुक्क घर आइपुगे)
खडानन्द चोक छेउको चौतारोमा बरबराइरहेका थिए जाडोमा काम्दै । हरिबोल आइपुगे ।
हरिबोल--- के भो हौ खडे ? किन बरबराएको ...........?
खडानन्द ---- साला , गर्मीमा , अक्षय तृतीयामा सर्वत बाँडे जस्तो यो जाडोमा कसैले रक्सी बितरण कार्यक्रम राखे कस्तो मजा हुन्थ्यो ..............!!!
खडानन्द भोजनालयमा छिरे ।
खडानन्द --- भाइ , थुक्पा पिलेटको कसरी हो ?
भाइ --- ५० रुपैयाँ पिलेट ............!
खडानन्द ---- अनि झोलको .............?
भाइ ---- झोलको पैसा पर्दैन .........!
खडानन्द --- ए, लु एक पिलेट तातो झोल ल्याउ त , साह्रै जाडो भो हौ आज ...........!!!
खडानन्द कक्षामा ।
बिर्खे --- I am going भन्या क्या हो सर .......?
खडानन्द --- म जाँदैछु............!
बिर्खे --- भनेर त जानुस् सर ...........!
खडानन्द --- मैले भनिहालें नि , म जाँदैछु ..........!
सबै विद्यार्थी --- नभनी कसरी जानुहुँदोरैछ , हामी पनि हेरुम त , यत्रो फिस तिरेर पो पढ्या छम त , त्यसै पढ्या छम र हाम्ले ............!!!
खडानन्दले फेसबूकमा status अप्डेट गरे ।
खडानन्द (status )
"पत्नी चाहियो"
५ जना महिलाले like गरे ।
comment मा ८६७ जना पुरुष आए ।
comments ---- मेरी पत्नी लैजा ............!
खडानन्द (सबै comments को एकमुष्ट reply )---- साले गधा हो , मैले "पत्नी चाहियो ?" भन्न खोज्या , प्रश्नबाचक (?) चिन्ह छुटेछ ............!!!
नेता खडनन्द ३१ डिसेम्बरमा एउटा जनसभालाई सम्बोधन गर्दैथिए ।
खडानन्द ---- आज अङ्ग्रेजीको कति साल हो जनसमुदाय ..................?
जनसमुदाय --- २०१७............!
खडानन्द ---- भोलि कति साल हुन्छ ............?
जनसमुदाय --- भोलि २०१८ .........!
खडानन्द --- अब तपाइँहरु आफैं भन्नुस , देश अघि बढिराखेको रैछ कि रैनछ त ...................?????
खडानन्द र सानो छोरा
छोरा--- बुबा, आज नयाँ बर्ष हो ...............?
खडानन्द--- हो त छोरा, आज English को नयाँ बर्ष , अनि बैसाखमा चाहिँ नेपालीको नयाँ बर्ष ......................!
छोरा---- ए बुझें, अनि Math को नयाँ बर्ष चाहिँ कहिले नि बुबा .........................????
खडानन्द र पत्नी कोठामा ।
पत्नी --- खडु , उ त्यो झ्यालको पर्दा लगाइदेउ न , पल्लो घरको छिमेकीले मलाई हेर्या हेर्यै गर्छ ...................!
खडानन्द --- लगाउँदिन , अब उसैले आफ्नो झ्यालको पर्दा लगाउँछ ....................!
पत्नी--- किन ............?
खडानन्द --- मैले पनि उसकी पत्नीलाई हेर्न शुरु गरिसकें ...................!!!!
खडानन्द कक्षामा ईतिहास पढाउँदै ।
खडानन्द --- २००७ सालको क्रान्ति माथी प्रकाश पार ................!
बिर्खेले कापीको पानामा "२००७ सालको क्रान्ति " लेख्यो , खडानन्दका छेउमा गयो , गोजिबाट nokia मोबाइल निकाल्यो र त्यसको flash light ले कापीको पानामा देखायो .......!
बिर्खे ---- हेर्नुस सर "२००७ सालको क्रान्ति " माथी प्रकाश ...............!!!!
खडानन्दले TV खोलेर त्यतिकै छोडेछन कोठामा । खडानन्द बाहिर बरण्डामा थिए ।
खडु पत्नी (चिच्याउँदै)--- हैन हौ , त्यो TV त कोठामा एक्लै बोलिराको छ त ...............?
खडानन्द --- अब के गर्नु त , त्यही TV भित्र पसेर सङ्गै बोल्न मिलेन त मैले ..............!!!
खडानन्द कक्षामा ।
खडानन्द --- ओए बिर्खे, मैले पाठ पढाइराख्या बेला किन गफ गर्छौ तिमिहरु ....................?
बिर्खे---- हामिले गफ गरिराख्या बेला किन पाठ पढाउनुहुन्छ त सर .........................????
खडानन्द जागीरको लागि अन्तरबार्ता दिन गए ।
interviewer --- नाम के हो .....?
खडानन्द --- खडानन्द शर्मा........!
interviewer --- कति सालमा जन्मिनुभाको ...............?
खडानन्द --- खै हजुर , सानैमा जन्मेको म त , त्यत्रो कुरा याद गर्ने कहाँ भाको थिएँ र हजुर म ...............!!!
खडानन्द आफ्नी नव दुलहीका साथ पहिलोपटक ससुराली गए । बाटोमा पर्ने बजारमा एउटा ब्युटी पार्लर देखियो ।
दुलही --- बिहेमा मलाई सिंगार्ने ब्युटी पार्लर यहि त हो नि ........!
खडानन्द --- ए हो ........?
(खडानन्द भोलिपल्ट चुपचाप ब्युटी पार्लर आए र पार्लर साहुनीलाई एउटा iphone 7 को गिफ्ट प्याक दिएर गए । खडानन्द गइसकेपछि पार्लर साहुनीले प्याक खोलेर हेरिन् , त्यसमा Nokia 1100 थियो र सँगै एउटा सानो पर्ची थियो र पर्चीमा लेखिएको थियो :-
''Same feeling here"......)
अविवाहित खडानन्द मन्दिर गए । तर भगवानको सामुन्ने उनको लागि एउटी पत्नी मिलाइदेउ भनेर सिधै भन्न लाज लाग्यो । घुमाइफिराइ कुरो गरे
।
खडानन्द --- हे भगवान , मैले मेरो लागि केही माग्या छैन प्रभो , बस , मेरी आमाको लागि एउटी सुन्दर र गुणवती बुहारी मिलाइदेउ प्रभो ..................!
भगवानले 'तथास्तु' भने ।
(खडानन्दका भाइको १५ दिनभित्रमा बिहे भयो
खडानन्दकी gf र साथी ।
खडु gf --- बुझिस, मेरो ब्वाइफ्रेण्ड खडानन्दको कसैले कपालको एउटा रौं पनि उखेल्न सक्दैन .......................!
साथी--- हो र ? निक्कै बहादुर छ कि क्या हो .....................?
खडु gf --- होइन, तालुखुइले छ ........................!!!!
खडानन्द औषधि पसलमा गए
खडानन्द--- भाई, मलाई गर्भ निरोधक औषधि दिनुस न .........................!
पसले --- कुन चाहिँ कम्पनीको दिउँ हजुर.................?
खाडानन्द ---- राम्रै खाले दिनुस न, तपाईंकि बहिनीको इज्जतमा दाग पनि नलागोस र तपाईंलाई मामा बन्नबाट पनि रोकोस ............................!!!!
काठमाडौमा बस्थे खडानन्द । अस्तिका दिन रत्नपार्कतिर यसो टहलिन निस्किएका खडानन्द दिउँसो १:४० बजेतिर कोठामा आइपुगे ।
खडानन्द --- आज कुनचाहिँको भाग्य राम्रैसङ्ग खुल्ने भो ......................!
पत्नी--- कसरी, के भयो र .................
खडानन्द --- माथी छतमा, घाममा तिमिसङ्ग बसेर मजाले खाने भनेर ३० रुपैयाँको बदाम लिएको थिएँ , पोकै छुटेछ बसको सिटमा .......................!!!!
खडानन्द र हरिबोल ।
खडानन्द--- जाडोमा एउटा कुरो चाहिँ निक्कै समस्या नै छ है ...................
हरिबोल--- के समस्या ....................?
खडानन्द --- छायाँमा बस्यो जाडो हुन्छ , घाममा बस्यो, फेसबूक चलाउन मोबाइलको डिस्प्ले नै देखिंदैन.................!!!!
ख्डानन्द र हरिबोल ।
खडानन्द --तँलाई एउटा साँचो घटना सुनाउँछु, सुन्छस ....................
हरिबोल---- सुना न त .......................!
खडानन्द ---- तीन महिना अघिको घटना हो , कुशाहानजिक एउटा २० किलोको बच्चा जन्मियो रे , १० मिनेटपछि त्यो बच्चा उभिएर हिंड्न थाल्यो रे, भोलिपल्टदेखी मज्जाले दौडिन थाल्यो रे, १५ दिन पछि बच्चाको वजन ४० किलो पुग्यो रे ...........................!
हरिबोल--- हैट, हैन होला ....................!
खडानन्द ---- हो हौ , रामभगतको भैंसीले बच्चा जन्माएको रे ........................!!!
खडानन्द होटलभित्र पसे ।
खडानन्द -- भाइ चारवटा समोसा देउ त ।
भाइ--- खाने कि प्याक गरिदिउँ दाइ ............?
खडानन्द --- अँ , खाने हो , प्याक गर्देउ न .................!!!
खडानन्द र हरिबोल
खडानन्द -- आज बजार गएको, साह्रै उल्लु भएर आइयो यार .....................!
हरिबोल--- कसले बनायो हौ उल्लु ...................?
खडाननन्द---एउटा साइनबोर्डले यार , साइनबोर्डमा लेख्या रैछ, " रु ११००/- मा जिन्दगीभरी बसेर खानुस"
स्वाट्ट भित्र पसेको, कुर्सी बिक्री गर्ने ठाउँ पो रैछ यार ..........................!!!
खडानन्द र हरिबोल भेटमा ।
हरिबोल --- के गर्दैछस खडु ...............?
खडानन्द --- काम गर्छु हौ एउटा अफिसमा , म भन्दा तल पनि निकै मान्छेहरु काम गर्छन् ................!
हरिबोल --- हैन हौ हाकिम नै भइस कि क्या हो तँ त .................?
खडानन्द --- हैन पिउनको काम गर्छु , मेरो अफिस सातौं तल्लामा छ , मुनि अरु छैठौं तल्ला सम्म पनि अरुअरु अफिसहरु छन् , मान्छेहरु काम गर्छन् ..............!!!!
खडानन्द र हरिबोल ।
खडानन्द --- मेरी पत्नी साह्रै आज्ञाकारी र बुझ्झकी यार ...........!
हरिबोल --- हो र .............?
खडानन्द --- अँ , यो जाडोमा चिसो पानीले भाँडाकुँडा माझ्दा मेरो हात फुट्छ भनेर होला , पहिले नै ठुलो भाँडोमा पानी तताएर राख र त्यसैले भाँडाकुँडा माझ है, भन्छिन् यार................!!!
खडानन्द र हरिबोल गफैगफमा ।
खडानन्द --- impossible भन्ने शब्द मेरो dictionary मै छैन ..............?
हरिबोल -- ठूलो Oxford English dictionary किनेर ले न , त्यसमा भेटिन्छ कि ..........!!!
खडानन्द र पत्नी सब्जी बजारमा ।
पत्नी--- ५ किलो हरियो केराउ लिउँ ...............?
खडानन्द --- अँ , लेउ न .............!
पत्नी --- लिउँ कि नलिउँ ? भनेर सुझाब माग्या हैन मैले , छोडाउन सक्छौ कि सक्दैनौ भनेर सोधेको ..................!!!
खडानन्द र हरिबोल धेरै पछि भेट भए ।
खडानन्द --- तँ आज भेटिन्छस जस्तो चाहिँ लाग्या थ्यो मलाइ .............!
हरिबोल --- हो र ? कसरी ........?
खडानन्द --- राती सपनामा कुकुर देख्या थिएँ हौ मैले ................!!!!
खडानन्द उदास र हतास मुखाकृती बनाएर छुरीलाई पानीमा उमाल्दैथिए । हरिबोल आइपुगे ।
हरिबोल --- किन पानीमा उमालेको यो छुरी ..............?
खडानन्द --- आत्महत्या गर्नलाई यार , साह्रै तनाव भो जिन्दगीमा ....................!
हरिबोल --- अनि उमालीरहनु पर्छ त यसरी ...................?
खडानन्द --- चुप लाग न यार स्टेरिलाइज्ड गर्या नि इन्फेक्शन हुन्छ भनेर ..........................!!!!!
खडानन्द कपडा पसलमा तेश्रो पटक चोरी गरेकोमा पक्राउ परे ।
प्रहरी --- एउटै पसलमा ३/३ पटक किन चोरी गरिस ....................?
खडानन्द --- चोरी त पहिलो पटकमा नै गर्या हो हजुर पत्नीले लगाउने कपडा , दोश्रो र तेश्रो पटक त त्यो कपडा ठिक नभएर साट्न गा´को हजुर.............!!!
खडु पत्नीले खडानन्दलाई कल गरिन् ।
पत्नी--- कहाँ छौ तिमी ? अफिसमै हो नि .......................?
खडानन्द--- अनि अफिसमा नभएर कहाँ हुन्छु त म ...? किन यस्तो डराए जस्तो स्वरमा फोन गर्या नि ........................?
पत्नी--- केही हैन, हाम्रो घरमा काम गर्ने केटी कसैसङ्ग भागिछे ...........................!!!!
खडानन्द र हरिबोलको गफगाफ ।
खडानन्द --- मान्छेको सोच भनेको जहिले पनि उच्च हुनु पर्छ हरे ......................!
हरिबोल--- हो त यार .....................!
खडानन्द ---- त्यही भएर म जहिले पनि केही सोच्नु पर्दा घरको छतमा एनसेलको टावर राख्या छ , हो त्यो टावरको पनि टुप्पामा चढेर सोच्ने गर्छु ............................!!!!
खडानन्द सुटबुट लगाएर तम्तयार भएर बस्या थिए । हरिबोल आइपुगे ।
हरिबोल--- हैन हौ, यो तयारी कहाँको लागि हो .....................?
खडानन्द--- भूषण दाहलले अघि कान्तिपुर TV मा "तपाइँ तम्तयार रहनुस, म तपाइँलाई हङ्कङको सयर गराउने छु" भन्या थिए, त्यसैले........................!!!!
स्वामी खडानन्दको प्रवचन ।
खडानन्द --- पहिले पहिले छोड्नैपर्ने कुराहरु छ वटा थिए, काम , क्रोध , लोभ, मोह , ईर्ष्या , अहंकार ,
अब अहिले त झन आठवटा कुरा छोड्नु पर्ने भाको छ भक्तजन .....................!
भक्त--- दुइटा कुरा के के थपिए त बाबा ................?
खडानन्द--- फेसबूक र ट्वीटर ......................!!!
खडानन्दको फर्सी जस्तो छोरो र खडानन्द ।
छोरो--- बुबा, म दाइजो नलिइकन बिहे गर्छु , म एउटा उदाहरण बनेर देखाउँछु यो समाजलाई ......................!
खडानन्द--- दाइजोको कुरा छोड्दे छोरो, पहिले यो भन्, तँलाई छोरी चाहिँ कसले दिन्छ .........................?????
खडनन्द मत हालेर बाहिर निस्किए ।
हरिबोल--- भोट हालेको खडे ............?
खडानन्द---- अँ, हालेको ..........!
हरिबोल ---- के मा हालेको ..........?
खडानन्द ---- बाकसमा ..........!
हरिबोल---- कुन पार्टीलाई ? भनेको गधा ....!
खडानन्द --- अघि राती खाएको जाँड पार्टीलाई............!!!
खडानन्दको सानो छोरो रोइरहेको थियो ।
खडु पत्नी--- किन रोएको छोरो ..............?
छोरो--- बाबाले मलाई किस गर्नुभएन ........!
खडु पत्नी--- तैंले १ देखि १०० सम्मको गिन्ती सुनाइनस् होला अनि ....................!
छोरो--- के त्यसो भए पल्लो घरको पार्वती आन्टीले चाहिँ सुनाउनुभाको थ्यो र .......................?????
खडानन्दको घर राजमार्गको छेउमा थियो । राजमार्गको छेउमा ट्रक रोकिराखेको देखे भने खडानन्द साह्रै अत्तालिन्थे , डराएको मुख बनाउँथे ।
हरिबोल-- ट्रक देखेर किन यत्ती साह्रो अत्ताल्लिएको तँ .........................?
खडानन्द -- मेरी पहिलेकी पत्नीलाई यस्तै ट्रकको ड्राइवरले अपहरण गरेर लग्या थ्यो , कहिँ फिर्ता ल्याइदिने हो कि भनेर डर लाग्छ नि ..........................!!!!!